I CUTTIGHIARI DA VANIDDAZZA
Commedia comica in due atti
di Nunzio Cocivera
Personaggi
1 Nicola (Nonno) - anni 59
2 Filumena (figlia del nonno) - anni 40
3 Elio (marito) - anni 40/45
4 Bruno (Figlio di Elio) - anni 20/22
5 Anciulinu (Figlio del nonno) - anni 39/40
6 Luisa (cognata del nonno -
anni 60/65
7 Maria (comare del nonno) - anni 60
8 Bertilla (moglie di Angelo) - anni 35/40
9 Carla (badante) - anni 22/27
La commedia nasce grazie a Carla Mazzeo
Scena: Fissa. Salotto soggiorno arredato discretamente (casa del Nonno) all’apertura sono tutti seduti a giro, tutta la famiglia del nonno tristi, sono a lutto. E' morta Pina (la nonna).
(entra Maria casalinga vestita modesta con grembiule e borsa)
Maria (fa a tutti le condoglianze, poi rivolta al nonno): Cunpari Nicola ora ca cummari, Muriu ristastu sulu, i figghi l’avitu luntanu sta casa vi pari vacanti dumani
Nonno: Chista è a vita si nasci e si mori.Ci tucco a me mughieri
Maria: Canciamu discussu: comu vi accogliu nta sti ionna Maseddu u Bicchinu?
Anciulinu: Ho parlato con lui, ho preso la cassa per mamma, tutto normale
Nonno: puru a mia mi passi nommali, Picchi chi c’è ?
Maria: Sinnifuivu so fighia Serafina, tri ionna fa cu Vannittu, u fighiu da vaccara, Prazzita si incrapighiaru nta chiazza un macellu succidiu
Bruno: Cu si incrapighio i ziti ?
Maria: caora, i ziti i mammi; non vulevinu, ne una e ne l’autra! Si tiraru i capiddi pizzicuna Pugna cauci, cinni vosinu deci pi spattiri, a mughieri di Bicchittu paria na ragiata. So fighia ci dicia chi l’amava, a Vannittu; ci tiro i capiddi puru a idda.
Bruno (sfottò): uni si cuccaru i ziti : nta stadda chi vacchi, opuru nte casci i mottu !
Maria: tu schezzi ! Na tragedia succidiu, Vannitto è loccu libiru, Prazzita è ncazzata, ma Itana è distrutta, da bedda carusa a mani di du loccu !
Filumena: Ma picchi diciunu che looccu a mia mi pari chi è normali, poi è poeta scrivi Poesii vannittu !
Maria: Chiddu cia scrittu poesii e cia pruvato cu tutti i carusi du paisi, pi san Valentinu.
Puru cu me fighia; ci scrissi na poesia, anzi l’eviri cà !(la esce e la legge)
Sintiti cà : tempu arreri i pianeti erinu chiusi ognunu nto so, rizzittati; cupido e valentinu
I miscanu i libiranu, si misiru a sicutari, a cantari ballari ficiru un casinu “a festa di san
valentinu. Da quel dì, nasce la favola dell’amore:
A san valentinu, su nammurati tutti i famighi matri patri e fighi. C’è u ritu, aneddu o ditu,
u regalu pa zita, cara ti puttai na maggherita, tantu basta u pensieru, e tempi di me nonni
era veru,si ci potti a margherita buschi na pidata, a nmmurata e canciata se emancipata
na rosa è già poca cosa, ci voli u regalu rossu o ti po scavari u fossu.
E si soddi nonna picchi non ha lavoru ci di tesoru a papira non galleggia picchi l’acqua è
picca, i pecuri non fruttunu, non cinni futti nenti picchi ci su l’amanti chi fannu regali mputtanti rossi tanti, sava stari attenti picchi non ci voli nenti si u regalu non piaci
ti fanu i cornici pi quadri. Poi u maritu urla si arrabbia, idda chi fa ? Si scioglie in un pianto, o ti dice ti pianto !
E tu poviru santo, dato che l’ami tanto fai il cornuto contento, è ci resti accanto.
Per continuare la tua favola d’amore , non importa tanto se sei cornuto contento,
al mondo siete in tanti, ti consoli e vai avanti,ci vo beni ti scordi i corna e puru i peni,
i peni tuoi e puri i suoi quelli che prende lei.
Ogni san valentino festeggi come un cretino si fa casino si balla si canta si mancia
A cu mancia mancia e a cu ci mancia sarrancia !
Bruno: bella poesia
Maria: scema comu a iddu
Bertilla: Pensiamo ai fatti nostri !
Maria: Povira commare Pina, pi idda certu fu na liberazioni Quantu suffriu nto lettu.
Nonno: assai, avia 15 anni chi era nto funni lettu.
Maria: Ora chiffà tinnivà chi to fighii ?
Bertilla (scatta come una molla.) (Altezzosa vistosa vanitosa): Con noi non può! Non può certo venire a Milano!
Nonno: Non ci vogliu veniri, non ti scantari
Filumena: Papà, io travaghiu, Eliu puru! Ti sta sulu, ogni tantu vegnu, vinemu.
Anciulinu: Non può stare certo solo!
Nonno: Picchi chi fa mi scantu ? Non vi scurdati, chi mi curriggi a vostra mamma Nto lettu 15 anni e puru io stissu. (si sente chiamare permesso)
Carla (entra una bella ragazza) (fa le condoglianze cominciando dal nonno): Don Nicola condoglianze (a tutti fino a bertilla)
Bertilla (l’aggredisce): Come si permette! non voglio condoglianze.
Anciulinu: Ma Bertilla, cosa ti è preso?
Bertilla: Pure voi ipocriti, compreso tu suocero! Si era detto niente visite, ne condoglianze!
Nonno: Chippozzu fari si venunu …pi mi fari ?
Bertilla: Butti tutti fuori. C’èra scritto; si dispensa dalle visite ! (a Carla) Lei non sa leggere?
Carla: Stia calma non si biliassi; è chi è nvipiruta, ntantu io sugnu..
Nonno: Una di famighia !
Anciulinu: Calmati cara.
Bertilla: Tu stai zitto, è una giornata che stringo mani sudate e che bacio vecchi vecchie, che per forza ti devono baciare! Che schifo!
Carla: Ci squagghiaru tuttu u truccu !
Bertilla: Lei non si permetta di fare dello spirito zotica ignorante !
Carla: Vaddassi chi io, sacciu leggiri e scriviri, gnuranti e lei, e spero chi Vecchia non si fa mai
Bertilla: villana del sud.
Carla: E chi è muzzicata di vespi sta pulintuna ! (Bertilla fa per replicare)
Anciulinu: Basta Bertilla basta !
Bertilla: Basta lo dico io ! Adesso lo so io che faremo; ascoltate tutti: (al suocero) Tu te ne vai all’ospizio, li sarai servito a dovere, la casa la vendiamo e ci dividiamo i proventi. (al marito) noi torniamo a Milano ed è tutto fatto! (tutti tacciono)
nonno: ( Si alza ) Chi piddistu a parola tutti ?
Filumena: Papà riflettevo, mi ha preso di sorpresa !
Nonno: Continua a riflettere, anzi pighiti un specchiu così rifletti meghiu.
Anciulinu: Papà quella di mia moglie non è una cattiva idea…
Nonno: tu mutu, quannu ti levi a vistina parramu !
Anciulinu: ma pa..
Nonno: Non c’è pà e non ma, picchi muriu !
Maria: Vi pozzu dari un cunsighiu ?
Nonno: No !
(entra Luisa cognata del nonno vestita modesta)
Luisa: Bonasira !
Filumena: Ci mancava stautra nto menzu a casa.
Luisa: Bonasira Nicola ora chi Pina muriu tu chi fa ?
Nonno: U veduvu allegru !
Luisa: Tu scherzi, io stanotti fossi picchi stesi cà, cacchi urata cu me soru Passai na mala nuttata mi vinni un diluri nta verticali
Bruno: zia vulevi diri nta cervicali !
Luisa: tu sempri chi ti incrichi, a mia mi doli u coddu vetticali u stissu è
Bruno: vetticali, cervu cu l’ali u stissu è !
Elio: Bruno !!
Bruno: Scherzavo!
Luisa: Sempri chi mi pizzulii e mi sfutti stu sbinturatu !
Bruno: Zia intricalora quantu intricati ta fattu a quest’ora ?
Filumena: Bruno smettilà.
Bruno: Era per sdrammatizzare un po’ !
Luisa: tu mi schezzi sempri; minnicapitò nautra stamatina ! Mbisca nta ciurera na coscia e ma sbrunna! Ciappa mettiri a Tintura di odio.
Bruno: A tintura di iodio.
Luisa: Di olio o di odio bruciava comu u focu. A propositu a sapistu a nutizia Vannittu chi sinnifuivu cu Serafina ?
Filumena: A sapemu na desi in anteprima cummari Maria.Ni ligiu puru a poesia.
Luisa: A proposito ma o cimiteru chi succidiu chi ristastu fora ?
Filumena: Rivammu da chi me mamma e me patri da anni hanno il posto Al loro paese natio, truvammu u cimiteru chiusu,
Maria: c’èra puru io chiuvia fotti, chiddi da carrozza aviunu primura A vulevinu scinniri da !
Filumena: Nta strata poi dici quannu aprinu va trasiti !
Elio: IO i fici stocciri, e iddi sempri inzistiunu.
Maria: Cettuni aviumu scinnutu di machini e erimu nto rusticu vicini o cimiteru si discurria, spittammu chiossà di unura
Filumena: Chiddi da carozza oncettu punto truvaru du cavalletti di muraturi Diciunu scinnemu a cassa cà , a mittemu casupra poi va trasiti !
Nonno: Io i vulia mazzari avoghia chi ci dicia non vi pagu !
Filumena: comerinu zistenti, Eliu e Bruno ci vulevunu isari manu.
Maria: Poi arrivò u patruni du rusticu, iammò un schifiu, tutti fora, capiu chi chiddi vuliunu scinniri a cascia; nta me casa ancora lè lestiri potta mali puru vuiatri puttati mali, fora di ca. Sinniivu bistimmiannu
Luisa: Povira Pina, mancu motta stesi inpaci
Maria: Non finiu da, chiddu du rusticu turno cu na lapa..
Luisa: Ca lapa ?
Nonno: Scusati pi antura ma nta casa non voghiu; si a carrozza avi premura A mittemu supra a lapa. U vulia mazzari puru a iddu.
Luisa: Poi comu finiu?
Nonno: Dopu un’ura si truvò u custodi e a chiavi.
Luisa: Nicola tu ora chiffà tinniva chi to figghi ?
Elio: prima chi rivavi tu staumu discurrennu propiu chissu.
Luisa: Nicola u vò un cunsighiu ?
Nonno: No, tu quannu parri giusta sdirrupi i cantuneri, quannu parri Ammatula, fa stari addritta puru i sacchi vacanti, e puru idda
Luisa: moffinisti nicola.
Maria: puru a mia !
Filumena: I muzzicò a una a vespa, all’autra a lapa !
Nonno: U vuliti sapiri comu vi nchiamava a bonamma di me mughieri A tutti i dui, chu su cuttighiu caviti?
Maria: Cettu.
Luisa: dimmi .
Nonno: “I cuttighiari da vaniddazza !”
Luisa: Me soru mi chiamava così ?
Maria: Puru a mia, cosa fitusa ,motta e bona da unnè.
Bertilla: Curtighiu deriva da cortile, perchè è li se si riunivano le donne e gli uomini Che cuttigliano più della donne, a parlare è sparlare.
Filumena: Chisti cuttighiunu uni eni eni senza cortile.
Luisa: Filumena puru tu !
Nonno (alla cognata): Tu scuddasti chi ti nisciu di sa bucca ! Quannu si pighiò a mia a chiamavi puru pirofila !
Bertilla: Come mai pirofila ?
Nonno: Io avia quasi 17 anni me mughieri 47 idda ci vulia diri Pedofila !
Filumena: Ni dicistu tutti dui di tutti i culuri, mamma mi raccontò tutto Quandera incinta di me, e pure di mio fratello cosa dicevate in giro !
Nonno: a scecca e incinta, a nonna prinò !
Filumena: Io e me frati nascevumu sicuramenti difittusi babbi daun.
Anciulinu: Chi ancora vi parramu ata ringraziari a idda, chi era na donna di paci . Quante ne avete dette in giro in questi anni
Bruno: Datu chi ci semu cara zia tu e idda mi facistu lassari da zita, di quantu cinnidicistu contra di mia: sparrate su tutto di tutti.
Luisa: Svinturatu, ti ficimu un favuri idda era muttica, e so mamma iettica !
Bruno: Ettica si Tu, pighiti un muccaturi e ti pulizii u mussu quannu parri di da carusa; chi mi facisti peddiri.
Maria: vidi chi piddisti, nta sa casa ne intra e ne fora
Bruno: viu di cumu siti rummicusa ci rummicastu a testa e mi lassò
Nonno: Chiudemula ca, fozza un pocu i silenziu.
Bertilla: Volevo dire…
Anciulinu: Muta tu e pighia pi dabbanna.
Nonno (si è alzata): settiti docu, chi io è concludiri.
Elio: Papà io ancora non haiu parratu e vulissi diri..
Nonno: Nenti, non diri nenti; vu dicu io chi facemu: io grazi a diu, sugnu bonu di saluti, tra chidda a me, e ha riversibilità di vostra mamma pighiu chiossà di 2500 euru; a me niputi Bruno chi ni ciccava sempri ci dava cacchi cosa, cia continuu a dari, picchi iddu cecca i so nonni e i rispetta, puru a l’autri, picchi è un bravu carusu.
Bruno: Grazzii nonnu.
Nonno: Mutu chi ancora naiu finutu. A vuiatri tutti, chi vi uMbuccau a pinsioni da Mamma, senza vutari un chiovu, idda va spatteva, io non sempri era Daccoddu, ma era a so!
Bertilla: Tua moglie anche da malata pensava a tutti noi era una santa donna!
Nonno: Idda si.mano tu! Ciu lavasti mai un fazzulettu, un pari mudanni a to soggira Opuru un piattu, opuru u culu; tutti vuiautri ?
Elio: Ma papà…
Nonno: Nenti ma. (alla nuora) Idda vinia in ferii, era stanca, stressata… Quelli dai suoceri non sono feriie! Cosi dicia; senza vutari un chiovu. Ma mancu vuiautri mittistu mai un iditu all’acqua, pi vostra mamma.
Luisa: To patri avi ragiuni !
Nonno: Zittiti tu, avvocatu non naiu bisognu!
Anciulinu: Ma puru tu dicevi chi non c’èra bisogno !
Nonno: Appunto non c’è bisogno mancu ora, io mi staiu sulu ,(riflette) anzi no. Mi ceccu na bella badante giovane e mi fazzu serviri…
Filumena: Comu, quannu c’èra a mamma nto lettu no.
Elio: Era idda chi non vuleva a nudda zamà stranieri.
Anciulino: Nta stu nvernu quannu tu avisti a bronchiti pi vinti ionna a cu pighiastu ?
Carla: li ho accuditi io! per 20 giorni, l’ho fatto con piacere !
Bertilla: HA! è lei la famosa badante di quest’inverno ?
Carla: Certu sugnu io .
Bertilla: Cosaì fatto a mia suocera il lavaggio del cervello?
Carla: Ma chi ncucchia, io ci lavà autri cosi !
Bertilla: proprio il lavaggio del cervello.
Carla: E che strolica, picchì u ciriveddu si lava comu ?
Bertilla: Ma lei non comprende è una (scandisce) me ta fo ra !
Carla: Menza fora menza intra, savidi lei chi ncucchia.
Bertilla: Insomma, mia suocera l’ha circuita.
Carla (a Anciulinu): Circu che? ci indignassi u sicilianu a so mughieri Cosi ha capemu quannu mummuria.
Angelino: Mia moglie voleva dire, che tu, hai imbrogliato, o meglio convinto mia suocera Con l’inganno a farti regali.
bertilla: A te regalò Pina quei bei orecchini antichi, chi mi piacevano tanto, e che Non ha voluto dare a me.
Filumena: comu fighia fimmina mi tuccaunu a mia
Luisa: Me soru non riggia chiù, i ricchini erinu da bonamma di nostra mamma Mi tuccaunu a mia. Pensu chi Bertilla avi ragiuni chi ci facisti a me soru pa cunvinciri Cu sa faccitta di iatta motta.
Carla: A mia iatta motta, serpi vilinusa chi non siti autru, lingua biforcuta siti na Maiara malucchiara e fitua
Luisa (a Nicola): mi zurtà, è tu non ci di nenti, ti fici u lavaggiù puru a tia, nta stu Nvernu ci sapi fari chi ci dastu iautru ?
Nonno: Primu cominciasti tu a zuttari a idda: poi to soru era patruna di ci dari i so cosi a cu vuleva Idda si miritava tutti.
Bertilla: Quanto pare a raggirato anche te.
Carla: Ho ! Io non gira a nuddu, stuppativi stu mangunu tutti i dui.
Luisa: Encora parra chi ti regalò autru (a Nicola) unè tutto l’oru di me soru ?
Bertilla: Dov’è
Filumena: A stu puntu u voghiu sapiri puru io ?
Luisa (a Carla): parra ti desi autri cosi? Aveva cullani aneddi u so e tutto l’oru da mamma. Ci futtisti puru chiddi.
Carla: Lavativi a bucca cu lisciuni, io non sugnu latra; si mi desi cacchi cosa u fici di vuluntà so.
Luisa: picchi ti l’avia dari di vuluntà so ?
Carla: Picchi pruvava affetto pi mia, comu io pi idda, l’affetto chi non aveva pi vui Picchi non vu miritavu.
Luisa: Ti risulta chi non mi putia vidiri ?
Carla: non vi vulia vidiri, è pensu non vi vulissi vidiri mancu ora cà.
Luisa: Io haiu dirittu di stari ca,sugnu so soru, tu cu si ?
Carla: A mia ,mi vulia beni meghiu di na fighia; a vui no picchi a mummuriavu Pedi pedida una vita.
Luisa (al cognato): Basta io non vinni cà pi mi fari nzuttari di chista. Tu si me Cugnatu e non mi difenni.
Bertilla: Io esigo di sapere dov’è l’oro di tua moglie ? (a Carla ) lo ha dato a te ?
Carla: non vi ntussicati, sulu i ricchini mi desi.
Luisa: Tu eri cuntentu ?
Nonno: sta carusa currigiu a mia e to mamma meghiu di na fighia. (alla cognata) tu muta tinnifuttisti i to soru pi anni, anzi A mummuriavi pedi pedi parravi ammatula. Puru ora a so veglia funebri.
Bruno: Insomma nonnu concludi chi io e pighiari pi fora cosi mi scaricu a testa.
Bertilla: Anche noi abbiamo da fare ! Non mi piace che tu difendi gli estranei a discapito dei tuoi parenti.
Nonno: Io concludì, chiddu chi viavia diri vu dissi; facitivi i trusci Tu e tu pi Milanu (figlio e nuora) vuiatri pa vostra casa. U luttu finiu !
Bertilla: Mercoledi riparto non vedo l’ora!
Nonno: Talia u rilogiu.
Maria: Cumpari putissimu…
Nonno: Tu muta cummari pensa e cacciceddi to : Questa è la mia decisione.
Bertilla (al marito): tu non dici nulla ?
Anciulinu: cosa devo dire ?
Bertilla: A te sta bene che tuo padre si cerchi una rumena russa ho polacca.
Anciulinu: Mi pare che papà è stato chiaro.
Bertilla (ai cognati): a voi sta bene ?
Filumena: Non tantu mi piaci stu fattu, ma papà a so decisioni a pighiò!
Bertilla: Certo a te sta bene, a tuo figlio qualcosa darà; e ai miei ?
Filumena: E to ci pensi tu e to maritu.
Anciulinu: Papà non mi sembra giusto.
Nonno: Mutu non parrari
Carla: scusate io vado..
Nonno: Ciao e grazie
Anciulinu: Papà volevo dirti…
Nonno: Tu na diri nenti ; to mamma muriu, e ne putia vidiri: ma io sugnu vivu e i vulia vidiri e me niputi, e mancu i purtastu !
bertilla: Non potevano lasciare la scuola e poi la palestra gli amici !
nonno: Certu di du scenziati, si cunsumavunu si piddevunu du ionna di scola ! Mi puttassi nta campagna con numiru setti a zappari ci facissi veniri i Caddhi nte mani, inveci di nto culu .
Bertilla: Nicola non offendere i miei tesori !
Nonno: Ma si su cucuzza peggiu di tia, l’anno scorsu i bocciaru .
Bertilla: Colpa dei professori, li hanno presi di mira !
Nonno: Apri a bucca a nmucca, comu a iautri chi canusciu io; Scola non ni vonnu e a cuppa e di prufissura, e i genitori Muccati cumu i locchi, e iddi quaddiunu u bancu.
Elio: veru è puru Brunu dicia chi prufissuri l’aviunu cu iddu Fina chi scopri chi era sceccu.
Anciulinu: Appunto, lui faceva così ! Tanti autri fannu peggiù.
Filumena: Me fighiu l’ammittiu i so sbagli e sinniivu a traghiari
Bertilla: E’ un semplice operaio !
Maria: il lavoro mobilità l’uomo, e puru a fimmina.
Bertilla: Signora si dice nobilità !
Maria: lei picchi si ntrica tutta chi parra nto tianu !
Bruno: cettu zia sugnu un semplice operaio; ma chi pensi tu, chi di bacchittuna Di me cucini ponu fari autru ? Ora passiinu ca scusa da scola e poi ?
Anciulino: Bruno stai zitto !
Bruno: Certu, picchi dicu a virità.
Luisa: Veru è.
Nonno: basta ! Intanto (alla comare e alla cognata) Pighiati pa casa, grazii da visita.
Maria: Cumpari, capisciu chi è un mumentu di duluri ma mi vidu Offisa in malu modu.
Filumena: vi cadiu u pilu !
Maria: datu chi non sugnu benaccetta nta sta casa minnivaiu ! (esce)
Nonno: Non vi vulia offenniri e mancu a idda, ma chiù vi vidu chiù mali mi sentu.
Luisa: Me soru bonamma si rivolta nta tomba si vidi comu mi tratti.
Nonno: Si sapissi cu si veramenti , sinnisci da tomba.
Luisa: Chi vo diri ?
Nonno: Chiudemula ca chi è meghiu u tu u sa che meghiu.
Luisa: Minnivaiu e pi tantu prestu non tornu !
Nonno: Da pena stasira non manciu.
Filumena: Ci facisti veniri a trumma pi mussu, po sunari nta banda appostu du trummuni.
Bertilla: Insomma Nicola sei convinto, di ciò che hai detto ?
Nonno: E chi è, no capisci u sicilianu ? Te lo dico in lingua ! “ Mi cerco una bella badante “
Bertilla: (a Elio ) Tu non dici nulla cognato ? Mi va si sapere il tuo parere ?
Elio: Vuoi il mio parere: secondo me papà ha tutto il diritto di cercare di stare bene Servito a dovere, magari con un’amante, gli spetta dopo anni di sagrifici.
Filumena: Tu mi la fari usciari cu sti sparati babbi ! Papà non avi bisognu a nuddu !
Anciulinu: U pensu puru io, sti stranieri sunnu cunsuma famighii.
Elio: Sunnu na risorsa invece, in molti casi. Intantu papà Dopo anni di sagrifici, cu una così si po’ bagnari puru u beccu !
Filumena: Chi cavulu dici Eliu !
Bertilla: Mi meraviglio di te cognato !
Angelo (al padre): Tu non dici nulla ?
Nonno: Dicu chi me jenniru dissi na cosa sinsata Fussi puru ura; dopo anni di astinenza.
Filumena: Papà non ti vo piddaveru ciccari n’amanti ?
Bruno: Volendo si po’ puru tonnamaritari !
Filumena: cu cancia a vecchia pa nova peggiu a trova !
Bruno: ma u nonnu non cancia , a vecchia , nollavi chiù !
Nonno: Ben detto brunu . (entra Carla) paci all’anima so non c’è chiù!
Carla: scusati vinni pi vi dari na bella notizia.
Nonno: Dimmi dicci.
Carla: me nonnu si marita!
Nonnu: Cu cu ? Vidistu puru so nonnu si marita.
Carla: Con mia nonna, che avete capito, fanno la festa perché fanno 50 di matrimonio, non mi avevano detto nulla, è stata una sorpresa, questo martedì .
Bertilla: Ora che lo sappiamo siamo più felici ! (sfottente )
Nonno: Bellu, dopu passu pi ci fari l’auguri.
Carla: Ma quali dopo, vui siti invitatu, mi dissi me nonnu.<sempre se accettate ?
Bertilla: Lui è a lutto non può venire !
Nonno: dicci e to nonni che sarò felice di venire. U luttu si porta nto cori.
Filumena: Ma papà la mamma è morta !
Nonno: La mamma è morta, ma io sugnu vivo, devo vivere ancora sono giovane Fazzu 59 anni tra un mese.
Carla: Ok riferisco a mio nonno che venite; ci vediamo (esce)
Bertilla: Allora Nicola cosa intendi fare, prima di partire dobbiamo saperlo ?
Nonno: Tu si l’unica chi non avissi a sapiri nenti. Comunque, si vuliti robbi, biancheria da mamma pighiativilla, cchiddu chi resta iettu tutto !
Anciulinu: Come la butti ?
Bruno: Chinnava fari, sa metti iddu ?
Elio: Filumena vidi tu caffari ! Avi ragiuni adesso vita nova !
Nonno: Me jenniru si chi mi capisci !
Elio: Ti iutu puru: ora ti cercu na bella badanti comu dicu io , coma vò ? Polacca Rumena Russa ?
Nonno: Va beni puru marocchina. Intantu ora enutili chi stamu ca sittati; io nesciu pi nta chiazza mi vaiu a pighiu un bellu caffe, Anzi chu me Jenniru camina Eliu !
Bertilla: E’ mio marito è tuo figlio, non lo inviti ?
Anciulinu: Papà vegnu puru io ?
Nonno: Va beni, camina puru tu brunu, amuninni niatri masculi Vuiautri fimmini priparati ammanciari !
Bertilla: Vieni Filumena vediamo il da farsi.
Filumena: Du belli pennette alla norma
(I maschi escono verso l’esterno le femmine verso l’interno, fa capolino Maria)
Maria: sinnieru (si guarda in giro) u lassaru sulu finalmente, Nicola ! Nicola unni si
Luisa (mentre chiama alle sue spalle entra Luisa): Niculinu ci si…tu chi fa ca ?
Maria: no tu chi fa ?
Luisa: Nicola unee c’è diri na cosa.
Maria: Puru io du cosi. C’è proporri na cosa..
Luisa: chi cosa ti passa pa testa ?
Maria: non tillediri a tia.
Luisa: Usa chi sugnu so cugnata, o tu scurdasti.
Maria: Io non mi scordu nenti u sa chi sugnu so cummari.
Luisa: io ci voghiu fari a balata a me soru si propiu u vo sapiri.
Maria: Bella pinsata, ma non tu fannu fari sicuru; ti vidi comu u fumu all’occhi to cugnatu e famigluia.
Luisa: A tia ti adorinu inveci, vatinni prima chi tinnidicu quattru.
Maria: mi pari chi ti vo sciarriari va laviti u mussu, anzi caliti nta na gebbia e ti lavi tutta.
Luisa: Tu affugati nto ciumi (arriva Bertilla)
Maria: Sta storia da balata, pricchia comu si, io non ma gnutti !
Luisa: Tu u sa chi io nespuli non ni munnu ! Fatti i cazziceddi to !
Maria: Si ti vo sciarriari dillu chiaru; io sugnu cà, ci mettu nenti mi ti tiru si du pila chi hà.
Luisa: Vadda chi io, u sacciu cu si; e di chi si capaci .
Maria: Puru io u sacciu quantu pisi, e di chi si capaci tu. Ma non mi imprissionu.
Luisa: Meghiu chi ha chiudemu cà, io vinni pa balata, ma non te daru cuntu a tia.
Maria: Tu a balata l’ha nto cori;tinta è malefica chi si, sacciu chi a to soru ha odiavi Fina chi campi ta manciari u frumentu bugghiutu supra a so tomba, chiedendoci Perdonu di to sbaghi.
Luisa: L’unico sbaghiu chi fici fu di mi confidari cu tia
Maria: Vulevi diri di cuttighiari cu mia? Contra tutti, compresa to soru! Io ti curdava ti spiava…
Luisa: Tu u sa chi io sacciu tanti cosi di tia; si scioghiu u saccu po canciari paisi !
Maria: Io paisi, si parru io tu po canciari provincia, anzi regioni.
Bertilla: Ho sentitu un chiacchiericcio voi siete; che volete ancora ?
Luisa: Di tia nenti (va via)
Maria: Io mancu addio (esce)
Fine primo atto
SECONDO ATTO
All’apertura del secondo atto, entrano in scena Il nonno brillo e Carla che lo aiuta . Si buttano insieme sul divano ridendo.
Nonno: Mi scialai a su matrimoniu avia na vita chi non manciava e bivia tantu.
Carla: facistu biviri puru a mia sugnu brilla.
Nonno: Io non sacciu comu mai,na bedda carusa comu a tia , a parti chi mi pighiasti e puttasti a casa; tuttu u matrimoniu di to nonni, facisti coppia fissa cu mia ?
Carla: Mi scialai ballannu, puru io avia na vita chi non mi divirteva così. I me coetanei, non sannu ballari u lisciu ! Ne tanghi ne polchi ne marzicchi.
Nonno: Tutti i mali lingui ni misisu supra u giurnali sicuru.
Carla: Già o matrimoniu me zia Itana mi richiamò, intantu pi stu nvernu, Stasti da cu iddu un misi , ora ti vidunu c’à , chi balli cu, iddu, agenti chi pensa ! Ha mannai a straffuttiri !
Nonno: Veramenti tutti ni talianu, e ridiunu mormuriavunu….sicuramenti , cuttighiavunu.
Carla: A mia non mi interessa chiddu chi diciunu o pensunu, basta chi haiu a coscienza appostu !
Nonno: Fai male,u paisi è piccolo, la gente mormora…
Carla: Io non mu scurdai quantu facistu pi mia vui e vostra mughieri quannu ristai orfana di genitori, era ittata sempri cà ! Vavissi iutatu puru gratis.
Nonno: Eri sempri sittata supra i me ginocchi.
Carla: Vostra mughieri puru si gilusiava.
Nonno: Eri na muccusa, quantanni avevi ?
Carla: Otto nove ; a vuliti sapiri na cosa: fina a 14 anni era nmurata di vui !
Nonno: Puru ora ?
Carla: Ora no, non villaggati troppu.
Nonno: Po essiri me fighia, anzi me niputi.
Carla: Non vi voghiu ne pi patri, ne pi nonnu ! (ridendo)
Nonno: Dimmi dimmi comu mi vò ?
Carla: I nudda manera.; a propositu a truvastu a badanti ?
Nonno: Naiu vistu na para, a prima era russa.
Carla: Allura russava.
Nonno: A russa era bona !
Carla: Comu bona ?
Nonno: Bona di fisicu, na bedda carusa; comu badanti no, non sapia cucinari ne fari subbizza, era troppu fina, quasi na fotomodella.
Carla: Poi mi pari na Rumena…
Nonno: Allura u sa !
Carla: A parti chi staiu ca a latu; i cuttighiari da vaniddazza su ittati sempri unni me nonna, meghiu avanti a potta i me nonna ! è cuttighiunu da matina a sira puru si ne vidi su mucciati arreti e finestri, pari chi non ci su inveci… E capisciu puru picchi ! E puru vuoi ! Picchi appena i viditi vi nchiuditi intra, minnaiu accuggiutu.
Nonno: Tu si na carusa chi ha nasu ! Ne suppottu, a me cummari, ma più di tutti da cosa vilinusa di me cugnata.
Carla: Stanno antipatiche pure a me; dumannunu unni si, unni và, chi fa, sunnu dà chi hannu centu chili di malocchiu in coddu.
Nonno: Pi tunnari o dicussu di badanti; a Rumena era troppu l’orda, lavava senza scupari, e quannu scupava a bucciava sutto tappitu.
Carla: Troppu fotti! Si era io o postu vostru cia facia coghiri ca lingua.
Nonno: E poi nta du ionna si biviu puru acitu !
Carla: Era puru nbriacuna, Beveva ?
Nonno: A parti chiddi chi c’èrinu intra di prima.ca motti di me mughieri, puttaru vemmitu massala, cinnera na vitrina a pulizziò.
Carla: Era alcolizzata fotti ?
Nonno: Quando mai, u tigneva eccomu, na visti mai inbriaca veramenti brilla si ! Cinnè una unni Giacuminu u babberi, chi è na santa, non bivi non fuma, u manteni comu un signurinu e da casa brilla. Io ni capità una brilla.
Carla: Va pozzo fari na proposta ?
Nonno: Dimmi .
Carla: Non ciccati chiù a nuddu, va fazzu io a badanti.
Nonno: Io tu vulia diri .
Carla: Picchi facevu a palumba muta ?
Nonno: ..Tu travagghi o supermercatu :
Carla: A matina, cu pomeriggiu sugnu libera, vegnu ca ci dugnu na puliziata , vi lavu i robbi, e vi preparu a cena.
Nonno: Ma ha puru e to nonni .
Carla: Chi ci voli staiu ca a latu, navota chi mi organizzu
Nonno: Ma non pensi e genti, insomma nta stu nvernu, c’èra me mughieri, ora sugnu sulu: nta stu paisi, Ci su i “Cuttighiari da vaniddazza “
Carla: Lassatili parrari, a mia non minteressa,poi all’iniziu non è che veniri tutti i ionna pi lavari e puliziari, unu si e unu no,bastunu, pu manciari, navota u fazzu ca, navota dabbanna e passu i piatti; così cucina ni l’ordu una sula.
Nonno: Carla, affare fatto, sono felice felice !
Carla: Non siti Nicola ?
Nonno: Sugnu felice felicissimo, quali Nicola, mi po’ chiamari felice !
Carla: Ora minnivaiu arrividecci, don Nicola
Nonno: Non è meglio un bel ciao ?
Carla: Ciao ?
Nonno: Si un bel ciao Nicola ! Quali vossia, don Nicola.
Carla: Be: (rimane in silenzio)
Nonno: E troppu ? Allura zu nicola !
Carla: Vabbè Nicola, va benissimo ! Ciao Nicola ! (esce)
Nonno (rimasto solo): Sono felice, chiamatemi felice..bi chi testa, mi scuddai mi ci dumannu quantu voli! Quanteni eni! megthiu mi si mancia idda! (canta felice)
Maria: Permesso (entra Maria truccata vistosamente vestita provante) Ma dicu bcumpari niscistu pacciù ?
Nonno: Pacciu, picchi avia nesciri pacciu ?
Maria: ho matrimoniu facistu o sciò, siti supra a bucca di tutti tu e da carusa.
Nonno: Di tutti ! Di mali lingui cuttighiari comu a tia e me cugnata! Mi pari chi taghiati e cuciti assemi , e sicce nuvità è opera vostra.
Maria: Cunpari ! Non vinni pi mi fari offenniri ! Non cominciati !
Nonno: Cummari. U cunpari è e resta tali sulu si vi tiniti a bucca cuciuta. Finiti di parrari ammatula, si vinistu pi mummuriari a Carla chidda è Potta ,a strata a sapiti..
Maria: Chi ti faci sa carusa, mancu si è to niputi !
Nonno: Meghiu di me niputi
Maria: Va beni canciamu discussu, (passeggia anti e indietro provocante) (Nicola non la guarda) nicola non mi vaddi ?
Nonno: Picchi te taliari ? Me scantari ?
Maria: Non vidi nenti ?
Nonno: Caviti cummari che taliari ? Chi vi succidivu ?
Maria: Non ma taliari comu un cunpari , ma comu un masculu. Insomma comu ti paru ?
Nonno: Ora chi ti taliu meghiu , si vistuta a festa, comu na ciurrà , comu mai c’è matrimoniu, battiu ?
Maria: Nenti di tutto questo! (Maria è truccata troppo e molto colorata) Avaia, Niculuzzu !
Nonno: Allura picchi siti tutta parata e pittata cu vi pittò picasso?
Maria: Sono iuta dall’estetista !
Nonno: Non ci potti mancu idda veru ?
Maria: A fari chi ?
Nonnu: Un miraculu !
Maria: Tu scherzi o parri seriu non mi trucco bona mi futtiu i soddi..?
Nonno: Cummari chidda, meghiu di cosi non ti putia pittari!
Maria: Na picca mi parri i tu na picca di lei; basta Nicola, chiamami Maria
Nonno: Maria, e picchi vavissi a chiamari Maria ?
Maria: Nicola cetti voti pari chi si ntrunatu, e chi è non capisci ?
Nonno: Che cosa devo capire ?(alle loro spalle entra Bruno)
Maria: Insomma tu si sulu io puru, quali badanti e badanti ni mittemu assemi Io mi pighiu a tia e tu a mia. Insomma io ti maritu, ni maritamu !
Bruno: Che bellu me nonnu si marita !
Nonno: Calma Bruno io ancora non haiu caputu nenti, mi vidu pighiatu di turchi !
Maria: Chi c’è di capiri,puru a bonamma di to cumpari fussi felici, si ni mittemu assemi.
Bruno: Bella proposta nonnu accetta, puru u cumpari è daccoddu
Nonno: Tu zittiti; e tu tu zunnasti stanotti a to maritu, Tu liquidasti giovani, giovani? … Fora fora dica
Maria: Appuntu è puru io era giovani quannu rista sula è ura che ricomincio una nuova vita d’amori.
Nonno: Ancora no capisti cà non c’è nenti di ciccari e nuddu d’amari.
Maria: Ma Nicola io sugnu sula tu puru putemu essiri na bella coppia
Bruno: Proprio bella a befana cu nannu.
Maria: Tu scherzi sempri, io fussi meghiu di na nonna pi tia e pi iddu, moglie amante. Finchè morte non ci separi :
nonno (si tocca): mi vo fari fari a fini di to maritu, tu liquidasti nta du anni io non ci tegnu, tu porti mali vatinni.
Maria (a Bruno): Diccillu puru tu chi è a soluzioni migliori.
Bruno: Io sacciu un proverbiu chi dici: meghiu suli chi mali accompagnati.
Maria: Picchi io fussi na mala cumpagnia pi to nonnu ?
Bruno: Lei lo ha detto. Poi parata così, c’è di si scantari propiu.
Maria: Avanti Nicola pensici, è a soluzioni migliori, semu piu o menu da stissa età, semu tutti i dui liberi..
nonno: Apppuntu , libiru sugnu , e libiru voghiu ristari.
Maria: Non essiri pricipitusu , rifletti pensa, diccillu puru tu Bruno !
Bruno: Si ciu dicemu a me mamma certu sarà felicissima di aviri nautra mamma, sopratuttu a vui !
Nonnu: Cummari chidda è a potta ! Scurdativi puru a via ! Via fora !
Maria: Capisciu chi fu pricipitusa, fu na sorpresa, magari a menti serena Pensici Nicola…
Nonno: Già pinsa e ripinsà , anzi già mu scudda! Non voghiu sapiri nenti, Fora ! (esce)
Bruno: Ancora si manteni a cummari; magari maritari no, ma ti putii bagnari u biscottu !
Nonno: Cu chidda ! Chi schifu !
Bruno: Io arrivai o mumentu giustu, quannu ti fici a proposta !
Nonno: Parrasti puru giustu, ca c’è 100 euru ti meriti.
Bruno: Grazii nonno ciao. (esce)
Nonno: Ciau, chi mi mancava a proposta di matrimoniu ! C’è di ristari locchi !
Luisa: Nicola unni si ? (entra Luisa tutta sex provocante elegante)
Nonno: Ca sugnu… è cà cinnè nautra…chi c’è ?
Luisa: Come sto ?
Nonno: Bellu su vestitu, era chiddu di to soru !
Luisa (fa la giravota): Ti piaci come mi sta ? I robbi i me soru mi stanno a pennello..tutti chiddhi chi mi pighià, mi stanno un amore.
Nonno: Io non era daccoddu, ma filumena ti vosi dari.
Luisa: Picchi non vulevi ?
Nonnu: Su vestitu ciucattà, a Venezia nto 93, su misi du voti poi cascò malata… Era felici paria na regina.
Luisa: Non paru puru io na regina !?
Nonno: No non voghiu chi ti metti i so robbi ! Poi idda era na regina, sulu idda.
Luisa: picchi non vò ?
Nonno: U sa picchi non ti meriti propia.
Luisa: Pina muriu, niautri semu vivi pinsamu a viviri !
Nonno: Appuntu io mi staiu organizzannu.
Luisa: Comu, ca badanti ? Io non sugnu daccoddu.
Nonno: chi centri tu, cu mia ?
Luisa: Io fazzu parti da to vita, da sempre ora chiossà!
Nonno: Tu da me… chidii, allaghiti , sciò sciò, a prima to soru non ti cunsidirava parti da so famighia. E tutto non sapia.
Luisa: vodiri chi me soru non mi putia vidiri ?
Nonnu: Avutu sempri a bucca ranni, e siccome non l’ha collegata cu ciriveddu parri ammatula da una vita, e parravi mali i to soru a genti riferisci..
Luisa: I mali lingui; i nvidiusi…i cuttighiari.
Nonno: Ma si tu potti a bannera di cuttighiari.
Luisa: Nicola io non vinni pi mi fari zuttari, vinni pi ti fari na proposta! Chi non po’ rifiutari.
Nonno: Sintemu !!! (rimane seduto) Cà cinnè nautra !
Luisa (si alza si atteggia, lo corteggia gli carezza i capelli): Dunque io.. tu… noi…
Nonno: Essi … loro… iddi…chi bò ?
Luisa: noi .. putissimu…io è tu. Tu e io…
Nonno: io e lei, lei e lui …ancora.
Luisa: dunque io tu, capisti..???
Nonno: Mi pari di no.Ancora na dittu nenti !
Luisa: Non fari l’indianu !
Nonno: Sicilianu sugnu !
Luisa (si siede lui si alza): nico . nicola. Noi …
Nonno: Si ti mittisti cacchi pulici pa testa, levitillu !
Luisa: Insomma non fari finta di nenti avi anni chi u sa chi io…
Nonno: Si u sapia, chi si zoccula !
Luisa: Non moffennu, picchi voghiu essiri a to zoccula (oppure to mughieri)
Nonno: Io sugnu to cugnatu ! Ed’èra to cugnatu pur nto 94,quannu…
Luisa (non lo fa continuare): abbiamo fatto l’amore !
Nonno: Non ti inchiri a bucca; tu no sa chi è l’amore ! abbiamo fatto sesso !
Luisa: Non parrari talianu, ustissu è. E ti piaciu.
Nonno: Cu to soru malata nto lettu, tu ti ziccasti nto me lettu, senza ritegnu,
Luisa: Mi pari chi erimu in dui .
Nonnu: Tu u sa chi era in un mumentu di dibulizza, to soru avi du anni chi non putia chiù , essiri na mughieri,e fu l’unica volta ! L’unica volta .E u signuri mi pidduna.
Luisa: Cu mia ! E unica vota , u vulisti tu io era disponibili.,.
Nonnu: Tu eri e si na malafimmina pi cuppa to na putia chiù taliari nta l’occhi a Pina, tu non sulu tradisti a to soru; ma puru a to maritu chi all’epoca campava
Luisa: Fu na vota, ma erimu in dui! Insomma ora si sulu io puru…Dimmi na cosa cu cu a tradevi a me soru ora mu po diri ?
Nonno: Io non ho mai tradito tua sorella, tu l’hai tradita con me mio malgrado.
Luisa: Tu mi vo diri chi avi 15 anni chi tu…picchi cu mia fu 15anni fà !
Nonno: Esattamente..
Luisa: Comu facisti 15 senza amore ?
Nonno: Tu non sa chi è l’amore, tu confondi il sesso con l’amore, se si ama basta uno sguardo un sorriso una carezza, anche senza sesso, con tua sorella abbiamo avuto grande affetto e amore, cose che tu non conosci !
Luisa: Ittamu i catti nterra, io non ci cridu chi tu pi 15, e io chi ti marcava strittu tu non vulisti chiù; tu avevi a nautra ! E poi non ci cridu mancu, chi tu cu me soru vecchia,, non ciccavi autri fimmini!
Nonno: Fina chi to soru era bona di saluti abbiamo, ho, avuto sesso è amore Cu avi tuttu a casa non avi bisognu di ciccari fora casa..
Luisa: ma poi non avisti..e tu di … chi pi 15 anni …nenti (avanza lo accarezza)
Nonno (gli sfugge): ho fatto sacrifici per amore.
Luisa: Insomma ora si sulu io puru, basta sacrifici io ancora ma sentu…e tu ?
Nonno: Leviti i cà, nesci nta me casa, non veniri chiù, fora di ca .
Luisa: Ma Niculinu, chi masculu si avi, se veru 15 anni, io sugnu c’à disponibili…
Nonno: Non ti tuccassi, mancu cu na canna ciaccata,vatinni !
Luisa: Magari ci pensi (lo accarezza)
Nonno: Già ci pinsa,(entra Bruno) non ti voghiu vatinni.
Bruno: Ciau zia, ciau nonnu chi succedi ? Sinti..giustu ? proposta di matrimoniu ci fu !
luisa: Va beni ormai capisti, si beddu ranni, ci proponi a to nonnu mi ni mittemu assemi; non piffozza nama maritari, anzi meghiu chi convivemu ni resta a pinzioni di coniugi.
Bruno: bella pinsata stavota, me nonnu sinnifui ! E poi zia to soru ancora è caudda, e tu ti vo pighiari a so maritu ? Non bastava Maria orapuru tu.
Nonno: Non si pighia a nuddu non ti scantari.
Luisa: Maria e chi centra Maria, tappinara chi non è autru
Bruno: Centra, e puru tu zia; u maritu i to soru! puru tu, chi modu di diri i cosi; mi vo fari sentiri in colpa!
Nonno: Tu ti senti in colpa ? vatinni fora di ca.
Bruno: Io dissi sulu a virità…
Luisa: Minnivaiu, riflettici, tu brunu cunsighiulu…
Nonno: fora via vatinni non turnari chiù.. (esce) a facci cumpagnia a to cummari, du cuttighiu.
Luisa: Ora vaiu, non tinnicaricari chi ciu dicu io a chidda, Nicola di cà Nicola di dà e sutta sutta…
Nonno: Cara cugnata vuiautri cuttighiati picchi non aviti nenti i fari aviti un sulu pinseri…
Luisa: Tu Niculinu pensa a me proposta, di chidda non ti curari a giustu io !
Nonno: Non ti curari tu e mancu idda non mi interessati rizzittativi i pila.
Luisa: Ciau zuccaratu, poi tonnu.
Nonno: vidi chi io sugnu amaru agru, vatinni e non tunnari ciù. (entra Bruno)
Bruno: Nonno si molto richiesto,, cu sa quantu ni veninu vedove allegre. Stautra appena a sapi me mamma; anzi ciù vaiu a dicu subito ciau (esce)
Nonno (si siede): ha! chi giunnata, e menu mali chi sugnu menzu brillu! Mi nbriacaru piddaveru. Ora mi fazzu na bella bivuta, me cuccari nbriacu. (prende una bottiglia di vino, e un bicchiere) Chistu a saluti di me cummari. (ne rimpie un altro) prima spasimante. (riempie) chistu a saluti di me cumpari bonamma. Chistu pi da zocc…malafimmina di me cugnata. (riempie) chistu pi so maritu bonamma, e pi tutti i corna cavia.(riempie) Chistu pi mia pa me libertà ! Sugno libero e felice chiamatemi felice, si alza (giravolta su se stesso e cade a terra) si rialza riempie) chistu pi Carla! Un amore di ragazza, un amore di badante.. chidda si chi ma maritassi! Dopu una cu trentanni i chiù, una cu trentanni meno! Miiiiiiiii sugnu mbriacu staiu dannu i numira…meghiu chi mi vaiu a cuccari… (cerca di partire ma cade a terra. Russa vistosamente entra Carla)
Carla (lo soccorre, lo sveglia): don Nicola don Nicola !
Nonno (si sveglia): Cu fù a tu fuuuusti..Chi si un Angelo !
Carla: Don Nicola Carla sugnu tonnabiviu ?
Nonno: Io non sususugnu niiicocvola ,suugnu fe felici, chi chiamami felice.. (si alza a fatica aiutato e si siede su una sedia)
Carla: picchi tonnabiviu ?
Nonno: briindai al mio mmatritrimoniu.
Carla: Comu si marita e cu cu ?
Nonno: Cu cu,cu naiu du due…brinda con me.
Carla: Basta bere, deve andare a dormire .
Nonno: pighiti un biccheri pi pighiti un biccheri, ti dissi pi..
Carla: Va bene si calmi beviamo e poi a letto !
Nonno: al mio matrimoniu ! (bevono)
Carla: Auguri, chi è la fortunata ?
Nonno: Non si chiamano fortunata,, ne nessuna dille dui…
Carla: come due ?
Nonno: Maria eee Lui sa , sono..Si sono proposte !
Carla: so cummari e so cugnata ? (sorpresa)
Nonno: Esatto; tutte e due, pu putissi fari u tris.sss
Carla: Lei a cu si pighia ?
Nonno: A tia mi pighiu, mi vo vospusari ? Io ti amo ! Dammi del ttuu tu..
Carla: Tu mbivisti assai! (il nonno riempie i bicchieri)
Nonno: Brindiamo al nostro..
Carla: Basta, duni i numira ! non biviri chiù.
Nonno: Ti bivi stautru cu mia ee e mi cucco pro pomettu.
Carla: Va bene chissà e basta (bevono lo sorregge escono di scena) (da fuori scena) non mi tuccari
Nonno: Scu scusa mi scappò a manu.
Carla: Fozza leviti i scappi, leva sa mani
Nonno: Ca no da no unni le mettiri i mani ?
Carla: Mettitilli supra a testa.
Nonno: Spoghiti puru tu . cu cu cucchiti cu mia !
Carla: Tu si scemu ! (entrano chiamando Bruno e sua madre)
Nonno: Veru è , di tia…
Bruno: Nonno.. (fuori scena non parlano più)
Filumena: Papà,papà..
Bruno: Trasennu, mi pari chi sinti parrari dabbanna.
Filumena: Adduniti. (entra Maria rimangono in scena con lei)
Maria: Nicola cci pi pi pi ..nsasti…(li vede non conclude)
Bruno: Cavairi a fari pipi ?
Maria: Tu cu su spiritu i patata!
Flumena: Chi è stu fattu cummari ?
Maria: Sarei disposta a mincullari a to Patri !
Filumena: Io non l’haiu a piaciri.
Bruno: Si non capi mali mancu u nonnu.
Maria: E tu picchi non vo ? Chi ciavissi a diri non fussi na bona conpagna pi to patri ?
Filumena: No e poi no, non matu piaciutu mai, figurativi pi matrigna. (su queste parole entra Luisa)
Luisa: Picchi chi centri tu cu nicola (a Maria)? chi centra chista cu to patri ? Non l’ha caputu chi non ci nesci nenti.
Filumena: nenti !
Maria: Chi centri tu, nta stu casu ? Ci vo rinesciri tu !
Luisa: Io mi prendo Nicola e lui me.
Filumena: Ha! Puru tu, mi pari chi vu putiti livari da testa tutti dui (alla comare) tu non servi, e idda nommali.
Maria: Cosa tinta, pari chi non ci cuppavi, chi ni pensi..e tu chi pensi chi fa, muta Muta ti vo pighiari a to cugnatu ,iettica chi non si autru
Luisa: Ho, iatta motta;stuppiti su mussazzu di cuttighiu e puliziiti u mussu Nicola è u me.
Maria: Iatta motta a mia cuttighiara malefica fitusa, tu si cuttighiara
Bruno (Rivolto al pubblico): u iammiru ci dici iammi stotti a buffa.
Filumena (urla): Insomma ! rizzittativi tutti i dui, ciccativi na bella troffa di ficarazzi chi spini, e vi sfogati u manciamentu. (entra bertilla)
Bertilla: Che succede perché gridi ?
Maria: Succede chi io e tuo suocero, ci mettiamo assieme !
Luisa: Nicola si pighia a mia lassila parrari, mi pighiu io!
Bertilla: Di cosa parlano (a Filumena) che storia è.?
Bruno (precede la mamma): Si voglio spartire il nonno sono due sue pretendenti.
Filumena: Hai capito !
Bertilla: Tuo padre lo sa ?
Filumena: Certo che lo sa, si sono già dichiarate.
Bertilla: E lui che ne pensa, e tu ,(a Bruno )e tu (a Filumena)?
Filumena: No ,assolutamente, per nessuna delle due, cu di facci di crita.
Bertilla: Non sia mai! Quelle come dici tu con la faccia di ceramica che hanno possono partecipare alla mostra della ceramica a Santo stefano di Camastra.
Maria: Tu cu sa facci russa po fari a sagra da cipudda russa i tropea.
Bertilla: Nicola non si sposerà !
Bruno: Picchi chi avi si “me nonnu si marita “
Bertilla: Nulla di male volendo,ma non con quelle là !
Luisa: Chi ciavissi a diri chi sava pighiari a to soru a monica ?
Bertilla: Intanto mia sorella si chiama, Chiara, ed è già impegnata.
Maria: Cosa centra lei, acida e malefica, nicola è u me !
Filumena: Cammativi tutti i dui !
Bertilla: Come le chiamava tua madre: le cuttigliare della vanella ?
Filumena: I cuttighiari da vaniddazza ! fozza fora niscemu e rizzittativi i pila
Maria: Tu dovrai accettare, Nicola deciderà su di me!
Luisa: Na cosa giusta a dissi chidda, Nicola decidi, na videmu cu iddu.
Filumena (uscite le due donne): Io u vaiu a ciccari sta cosa non mi va.
Bertilla: Tantomeno a me, vengo con te. Tu lo aspetti qua, digli di aspettare Se torna dobbiamo chiarire il tutto.
Bruno: Io u spettu, unni sarà si era dabbanna niscia cu sta caciara.
Nonno (esce): Ca sugnu ma prima non putia nesciri (barcolla)
Bruno: Picchi si nbriacu ?
Nonno: Purru pi chistu, mi fici u caffè mi lavai cu l’acqua fridda Ma bivii assai.
Bruno: I sintisti e streghi ?
Nonno: Ancora no caperu chi sa ponu teniri fittà !
Bruno: Vaiu a ciccari mamma e zia, tana parrari non ti moviri…
Nonno: E cu si movi (uscito Bruno ) Carla po nesciri !
Carla (adirata lo prende a schiaffi): chista picchui mi tuccastui, stautra picchi mi baciasti, io mi stesi muta pi non fari sentiri a iddi e tu approfittasti.
Nonno: Scusami.. io era… sugnu…nbriacu
Carla: Bella scusa ! Ma chi hà nta testa canighia ?
Nonno: Carlo io mi scusu ma..era sugnu…
Carla: Nbriacu , a scusa pi approfittari da situazioni; vi putiti pruvvidiri a badanti non va fazzu chiù !
nonno: Ia raggiuni fici u bastasi, fazzu schifu, mi vaiu a lavari a facci e..mu fa nautru caffè amaru.
Carla: Caffè ! Na goccia di vilenu ti dugnu, chi vulevi fari ?
Nonno: Sugnu mortificatu, io ci tegnu a tia ti voghiu beni.
Carla: Mi vo beni ! Io no anzi ti odio.
Nonno: Chistu non mi diri ! mi spacchi u cori !
Carla: A testa ti iaprissi in dui .
Nonno: Mi vaiu a lavari a facci e mi fazzu nautru caffè, non tinniiri ama chiariri
Carla (uscito il nonno, rimane nervosa in scena, si alza si siede passeggia): Stu maliducatu, (si mette le mani tra i capelli) ribambitu, vecchiu, fitusu Dopu tutti sti anni capito a carni frisca! Schifosu! (ritorna)
Nonno: Hai ragione fazzu schifu, perdonami.
Carla: Ti perdonu. Ti npaddassi nto muru ti dessi tanti timpuluna !
Nonno: Dammilli !
Carla: Cu si manazzi parii na piovra , chi vulevi fari mi vulevi violentari ?
Nonno: Casomai amari !
Carla: Amari, tu no sa chi voli diri amuri, pozzu essiri to niputi !
Nonno: U sacciu Carla Perdonami io ci tegnu a tia.
Carla: Ti vaiu a denuziari, per violenza carnali, tu u carciri ti meriti (esce)
Nonno: Fa bonu mu meritu,,, (entra Bruno)
Bruno: Chi avia Carla era na furia, mamma e zia stanno venendo
Nonno: Carla antura era dabbanna cu mia !
Bruno: Quannerimu tutti cà ?
Nonno: Si…
Bruno: Allura chi succidiu !
Nonno: Io era.. sugnu nbriacu. Nta bricatura ci misi i mani in coddu
Bruno: E? idda ?
nonno: A mia mi paria chi cistava
bruno: Invece ?
nonno: Si stesi muta,u fici pi non fari sentire a vuiautri ; si incazzò !
Bruno: Fammi capiri a tuccasti a baciasti a chi livelli ?
Nonno: A tucca a bacia, a strincii
Bruno: Ha tuccasti e baciasti ?
Nonno: Si
Bruno: E idda collaborò ?
Nonno: Insomma io capii chi ci stava, ricambio i me baci, ma forsi picchi era mbriaca Mi tigneva i mani, ma non seriamenti, non era così tisa, pari chi savia sciughiutu, inveci era brilla comu a mia fu apposta? Avia bivutu assai puru idda.
Bruno: Ma chi ti dissi unni ivu ?
Nonno: Dissi chi eva pi mi denunziari pi violenza carnali..
Bruno: Minchia !
Nonno: Minchia veramenti !
Bruno: Ivu unni carrabbineri ?
Nonno: Unna polizia, chinni sacciu u stissu è.
Bruno: Me patri me mamma i zii stannu vinennu cà. Appena sannu stautra.
Nonno: Fammi un favuri, blocchili, dicci chi patti, chi non mi truvasti non voghiu vidiri a nuddu. Devo riflettere,
Bruno: O friscu avoghia mi rifletti. Chisti ora ti arrestinu..
Nonno: Non minnifutti nenti di finiri o friscu, chiddu chi mi fa mali è chi piddi u rispettu e l’affettu di Carla !
Bruno: Non è chi sutta sutta si nmuratu di sa carusa ?
Nonno: No sacciu, sacciu chi mi sentu nu stracciu.San martinu non mi putia iapriri l’occhi, e firmari i mani.
Bruno: Quantanni avi Carla (dice un’ètà in base all’attrice ) 25/27 tu 59 ..
Nonno: U sacciu chi non po vuliri a mia, ma già accudito rispettato da lei , era na gran cosa, ora mi odia, malidittu vinu, non bivu chiù , fina chi campu, u sciammentu non na fattu mai beni.(si schiaffeggia)
Bruno: Vaiu a bloccari a chiddi !(esce) (nonno si siede con la testa fra le mani)
Nonno: Mi lavia taghiari sti mani piddi u rispettu e l’affettu di da carusa. Non mavissinu a nesciri chiù mu meritu (dice il tutto col capo chino sulle ginocchia e la testa tra le mani)
Carla (era entrata e si era seduta in silenzio il nonno non l’aveva vista): Spettu e carrabbineri.
Nonno (alza il capo): mi denunziasti ?
Carla: Cettu chi vulevi…
Nonno: Senti non mifutti nenti di finiri o fruiscu, perdonami !
Carla: Non ti pozzu peddonari haiu una raggia ! un diavulu pi capiddu.
Nonnu: Io ti amu, ormai tille diri ! e nta briacatina pinza chi puru tu..
Carla: Mi ami …pozzu essiri to fighia to niputi ! (urla)
Nonno: Sacciu puru chissù ! ma chi ama non pensa e conseguenzi e io pinza…
Carla: Forsi pinzasti giustu !
Nonno: Comu ?
Carla: U sa picchi sugnu, cosi raggiata, ci pinsa mentri eva a caserma.
Nonno: Picchi ?
Carla: Non ti denunzia, sennò; mi avia denunziari io stissa !
Nonno: Non capì chiù nenti…
Carla: Chiddu chi succidiu; io u vuleva, u sinteva. Voghiu stari cu tia, ti voghiu , ti amu puru io.!
Nonno: Evviva u vinu , viva San Martinu.
Carla: Chi centra u vinu ?
Nonno: Si non era pu vinu, magari io non mi dichiarava mai.
Carla: Fossi mancu io
Nonno: ma u sa quantanni haiu ?
Carla: non minnifutti nenti ! malgrado tutto ti amo.
Nonno: Ora e tra deci vintanni ?
Carla: Il futuro chi lo conosce ! Ora sugnu ca pinsamu pi ora ti amo è anche tu !
Nonno: Ti adoro (lei gli butta la braccia al collo, entrano le due cuttighiare li vedono abbracciati)
Luisa: Chi faciti mbrazzati ?
Maria: Chi è sta mbrazzata ??
Nonno: Mi maritu cu Carla !
Maria: Cu .. Carla chi…ma…mi sentu mancari..
Luisa: Chi.. chi… mi sentu mali..
Carla (sfottendole): ni voliti fari i du cummari cuttighiari ? (Svengono entrambe sul divano o su delle sedie oppure a terra)
Nonno: Cascaru sicchi ! A vidiri a me nora e me fighia !
Carla: Apighiti e me nonni !
Nonno: A facemu na cosa ?
Carla: Chi nicola ?
Nonno: mittemuli davanti al fatto compiuto Fuiemuninni !
Carla: fuiemuninni ! (sui prendono per mano fanno per uscire…)
Maria: Femma posulo è u me !
Luisa: Femmi tutti, vi mbiscu du nespuli nto mussu, Nicola è u me, mi spetta per diritto aqquisito.
Nonno (a Carla): Amuninni prima chi mi rovesciu.
Maria: Femmi
Luisa: Aspettate (escono il nonno e Carla inseguiti dalle cuttighiare)
Fine
Sipario